Қазақстанның Халық кеңесі мүшелеріне жалақы төленбейді. Бұл туралы Qazaqyia.kz порталы Sputnik Kazakhstan басылымына сілтеме жасап хабарлайды.
Халық кеңесі атап өткендей, заңға сәйкес оның мүшелері қоғамдық негізде жұмыс істейді. Бұл ретте Халық кеңесінің төрағасы және оның хатшылығын қатар басқаратын орынбасарларының бірі тұрақты негізде жұмыс істейді.
Олардың қызметі мемлекеттік бюджет қаражаты есебінен қаржыландырылады. Хатшылық қызметкерлерінің жұмысы да бюджет есебінен төленеді.
Бұған дейін Қазақстандағы жаңа консультативтік орган – Халық кеңесінің жұмысына 2027 жылы 1,7 млрд теңге бөлінетіні хабарланған болатын.
Қазақстанның Халық кеңесі Қазақстан халқы Ассамблеясы мен Ұлттық құрылтайдың функцияларын біріктіреді. Кеңеске ішкі саясаттың негізгі бағыттары бойынша ұсыныстар әзірлеу және Құрылтайға заң жобаларын енгізу өкілеттігі беріледі.
Сонымен қатар кеңес жалпыхалықтық референдум өткізу туралы бастама көтере алады. Сондай-ақ мемлекет пен азаматтық қоғам арасында қарым-қатынас орнатады.
Халық кеңесінің жоғары органы – негізгі мәселелер бойынша шешімдер қабылдайтын сессия болады.