Гватемаладағы Фуэго жанартауының белсенділігі артып, билік «қызғылт сары дабыл» жариялады. 400-ге жуық адам қауіпсіз жерге көшірілді. Бұл туралы Qazaqyia.kz порталы BBC News басылымына сілтеме жасап хабарлайды.
Эскуинтла, Чимальтенанго және Сакатепекес аймақтарының арасында орналасқан Фуэго жанартауы дүйсенбі күні белсенділігінің артқаны байқалды. Осыған байланысты Гватемала билігі ең жоғары төтенше жағдайдың екінші деңгейі – «қызғылт сары дабыл» жариялады.
Жанартауға жақын орналасқан қауымдастықтардан 400-ге жуық адам эвакуацияланып, Алотенанго мен Эскуинтла қалаларындағы уақытша баспаналарға орналастырылды. Жанартауға жақын мектептер күл түсу қаупіне және одан әрі атқылау қаупіне байланысты жабылды.
Төтенше жағдай қызметтері тұрғындарды қауіпсіздік үшін үйлерін тастап кетуге шақырды. 2018 жылы Фуэго жанартауының қатты атқылауы жүздеген адамның өмірін қиған еді.
Фуэго – ЮНЕСКО-ның Бүкіләлемдік мұра тізіміне енген, колониялық сәулет өнерімен танымал Антигуа қаласынан небәрі 16 км (10 миль) батыста орналасқан. Белсенді стратожанартау альпинистер арасында да танымал.