Гренландия жағалауында, Илулиссат қаласына жақын жерде алып айсбергтің аударылғаны байқалды. Бұл туралы Qazaqyia.kz порталы BBC News басылымына сілтеме жасап хабарлайды.
Куәгер түсірген бейнежазбада айсбергтің аударылып, жағалаудағы қала маңында толқындар пайда болған сәті көрсетілген.
Илулиссат – ЮНЕСКО-ның Бүкіләлемдік мұра тізіміне енген Илулиссат мұздық фьордының орналасқан жері. Қала Гренландияның батыс жағалауында орналасқан.
Бұл оқиға Гренландиядағы мұздықтардың еруіне қатысты алаңдаушылықты арттырды. Айсбергтердің аударылуы – табиғи құбылыс, бірақ климаттың өзгеруіне байланысты мұндай оқиғалар жиілеп келеді.