Афинаның солтүстігіндегі әуе шоуында Грекияның әскери-әуе күштерінің ұшағы құлап, өрт шығып, бірнеше мың көрерменнің көз алдында аспанға қара түтін көтерілді. Бұл туралы Qazaqyia.kz порталы Associated Press басылымына сілтеме жасап хабарлайды.
Сенбі күні Афинаның солтүстігіндегі Танагра әскери-әуе базасында өткен Athens Flying Week әуе шоуы кезінде қос орынды F4 Phantom ұшағы төмен биіктіктегі маневр жасау кезінде құлады. Көрермендер арасында зардап шеккендер жоқ.
Грекияның әскери-әуе күштерінің өкілдері екі ұшқыштың жағдайы туралы дереу түсініктеме бермеді, өйткені құтқарушыларға Танагра базасындағы өрт кедергі келтірді. База Афинадан солтүстікке қарай 60 шақырым (шамамен 40 миль) жерде орналасқан.
Өртті сөндіруге 11 су тастайтын ұшақ пен тікұшақ, сондай-ақ 85 өрт сөндіруші жұмылдырылды. Өрт көрермендер аймағынан біршама қашықтықта болды.