Қазақстанда білім гранттарын бөлу кезінде мемлекет жекелеген санаттағы азаматтарға квоталар қарастырады. Бұл туралы Qazaqyia.kz порталы Kursiv Media басылымына сілтеме жасап хабарлайды.
ҚР Ғылым және жоғары білім министрлігінің мәліметінше, квоталар көпбалалы отбасылардың балаларына, жетім балаларға және ата-анасының қамқорлығынсыз қалған балаларға, мүгедектігі бар адамдарға, ауыл жастарына, сондай-ақ заңнамада көзделген басқа да санаттарға беріледі.
Әр квота бойынша жеке конкурс өтеді
Ведомствоның түсіндіруінше, әр квота бойынша тиісті қатысушылар арасында жеке конкурс өткізіледі. Сондықтан әртүрлі санаттар бойынша өту балы әртүрлі болуы мүмкін — бұл бөлінген гранттар санына және конкурсқа қатысушылардың нәтижелеріне байланысты.
Квота автоматты грантты білдірмейді
Министрлікте «Квотаның болуы гранттың автоматты түрде берілетінін білдірмейтінін» атап өтті. Әр квота аясында да конкурс өткізіледі, гранттар ең жоғары нәтиже көрсеткен қатысушыларға беріледі.
Бұған дейін «Курсив» ғылым және жоғары білім министрі Саясат Нұрбектің ҰБТ-дан 120 балл жинағанның өзінде грантқа әрдайым жетпейтінін түсіндіргенін жазған болатын. Сондай-ақ ол грантқа түспеген түлектер мен олардың ата-аналарын жұбатқан еді.