Google компаниясы суреттерді жасауға арналған жаңа ИИ-модель Nano Banana 2 Lite-ті таныстырды. Әзірлеушілердің айтуынша, нейрожелі өз желісіндегі ең жылдам болды. Бұл туралы Qazaqyia.kz порталы Kursiv Media басылымына сілтеме жасап хабарлайды.
Google блогында сурет генераторының жеңілдетілген нұсқасы жасалғаны, оның жылдамдық пен төмен құнға баса назар аударылғаны хабарланды. 2 Lite моделінің басты ерекшелігі – жұмыс жылдамдығы. Компания деректері бойынша, нейрожелі мәтіндік сұраныс бойынша суретті орта есеппен төрт секундта жасайды.
«Жұмыс процесіңізге мыңдаған суреттерді жасау немесе күрделі бейнелерді өңдеу қажет пе, енді сізде жылдамырақ жұмыс істеуге, икемді өзгерістер енгізуге және шығармашылық идеяларды жүзеге асыруға мүмкіндік беретін екі жаңа құрал бар», – деп жазады әзірлеушілер.
Nano Banana 2 Lite-ті корпоративтік клиенттер ғана емес, қарапайым пайдаланушылар да пайдалана алады. Модель Gemini чат-ботында тегін қолжетімді. Google аккаунтына кіріп, 3.1 Flash-Lite моделін таңдау жеткілікті. Бұл үшін Gemini Advanced жазылымы қажет емес.
Команданың айтуынша, модель мәтіндік сұраныстарды дұрыс түсінеді, суреттердің ішіне жазулар қоса алады және қайта жасау кезінде кейіпкерлердің бірыңғай сыртқы түрін сақтайды. Kursiv LifeStyle нейрожеліні сынап, Алматы панорамасын жасауды сұрады.
Міне, 5,9 секундта алынған нәтиже.
Бұған дейін Kursiv LifeStyle Gemini 3.5 Live Translate нейроаудармашысы туралы жазған болатын. Жаңа модель 70-тен астам тілді, соның ішінде қазақ және орыс тілдерін нақты уақыт режимінде аударады.