Омандық пилот, flydubai компаниясының Тель-Авивке ұшқан рейсінде капитанға шабуыл жасаған, тергеу барысында ұшақты Бен-Гурион әуежайының терминалына бағыттауды жоспарлағанын айтты. Бұл туралы Qazaqyia.kz порталы Kursiv Media басылымына сілтеме жасап хабарлайды.
Бұл ақпаратты Израильдің «12 канал» журналисі Амит Сегал таратты. Оның деректері бойынша, екінші пилот әдеттегідей қонуға кіруді жүзеге асырып, соңғы секундтарда ұшақты терминал ғимаратына бағыттауды көздеген. Ол сол сәтте әуе кемесін тоқтату мүмкін болмайды деп есептеген.
Сегалдың айтуынша, дәл осы себепті пилот капитанға тек Иордания үстінде, ұшақ Израильге жақындаған кезде шабуыл жасаған.
Журналист сондай-ақ жараланған Үндістандық капитанның пилот кабинасының есігін кез келген жағдайда ашу туралы шешімінің арқасында бұл жоспардың жүзеге асуына тосқауыл қойылғанын хабарлады.
Еске салайық, 30 қыркүйекте flydubai компаниясының FZ1073 рейсінде Дубайдан Тель-Авивке ұшу кезінде екінші пилот капитанға шабуыл жасап, ұшақты басқаруды өз қолына алуға тырысқан. Бортта 170-тен астам жолаушы мен экипаж мүшелері болған.
Жолаушылар мен экипаж мүшелері шабуылдаушыны залалсыздандыруға қол жеткізді. Бортта болған резервтік пилот ұшақты Сауд Арабиясының солтүстік-батысындағы Табук әуежайына қондырды. Екінші пилотты сауд билігі ұстап, кейінірек БАӘ-ге тапсырды.
Бұған дейін «Курсив» оқиғадан кейін flydubai компаниясы Дубай мен Израиль арасындағы барлық рейстерді уақытша тоқтатқанын жазған. Авиакомпания тергеу қорытындысы бойынша қосымша ақпарат алғаннан кейін ұшуларды қайта бастайтынын мәлімдеді.