Қазақстандық лоукостер FlyArystan Астанадан Ининге (Құлжа) тікелей рейс ашатынын жариялады. Алғашқы рейс 2026 жылдың 28 қазанында орындалады. Бұл туралы Qazaqyia.kz порталы Sputnik Kazakhstan басылымына сілтеме жасап хабарлайды.
Ұшақтар аптасына екі рет – сәрсенбі және сенбі күндері қатынайды. Компанияның мәліметінше, жаңа бағыт FlyArystan-ның Ининге ашқан екінші бағыты болады. 2025 жылдың мамырында әуе компаниясы Қазақстандық тасымалдаушылар арасында алғаш болып Алматы – Инин (Құлжа) бағыты бойынша тікелей әуе қатынасын ашты.
Бірінші жылдың қорытындысы бойынша бұл бағыт тұрақты сұранысқа ие болды, ал 2026 жылы рейстердің жиілігі аптасына төрт ретке дейін арттырылды, – деп атап өтті компания.
Астана – Инин рейсінің ашылуы FlyArystan-ның Қытайдағы халықаралық маршруттық желісін кеңейтуді жалғастырады. 2026 жылы әуе компаниясы Астанадан Үрімшіге рейстерді қайта бастады, сондай-ақ Ақтау – Үрімші, Алматы – Сиань және Алматы – Чунцин бағыттарын ашты.