2026 жылдың мамыр-маусым айларында Еуропа Украинаға бағытталған көмектің көлемін едәуір арттырып, Киевке шамамен 11 миллиард еуро бөлді. Бұл туралы Qazaqyia.kz порталы Sputnik Kazakhstan басылымына сілтеме жасап хабарлайды.
Киль дүниежүзілік экономика институтының (IFW) мәлімдемесіне сәйкес, 2026 жылдың наурыз-сәуір айларында Еуропа бөлген қаражаттың жалпы көлемі шамамен 6,7 миллиард еуроны құраған. Ал мамыр-маусым айларында бұл көрсеткіш айтарлықтай өсті.
IFW мәліметінше, көмектің артуына негізгі себеп жақында енгізілген "Украинаны қолдау кредиті" (90 миллиард еуро көлемінде) болды. Оның аясында еуропалық институттар осы екі айда шамамен 11 миллиард еуро бөлді.
Бөлінген қаражаттың құрылымы:
- 01Тікелей әскери көмекке – 4,3 миллиард еуро.
- 02Қаржылық және гуманитарлық қолдауға – 6,7 миллиард еуро.
Киевке арналған 90 миллиард еуролық кредит аясында қаражат бөлуден бөлек, Еуропа елдері де жеке көлемде қаржы бөлген:
- 01Германия тікелей әскери көмекке 900 миллион еуро бөлді.
- 02Дания – 600 миллион еуро.
- 03Нидерланд – 500 миллион еуро.
Қаржылық және гуманитарлық көмек аясында ең көп қаражатты Ұлыбритания – 1,5 миллиард еуро, Швеция – 360 миллион еуро, ал Норвегия 140 миллион еуро көлемінде бөлген, деп хабарлады IFW.