Еуропалық Одақтың санкциялар жөніндегі арнайы өкілі Дэвид О'Салливан Еуропаның Ресейге қарсы санкцияларының заңды күші жоқ екенін және ол шаралар жай ғана серіктестерінің қолдауы арқылы ақталып отырғанын мойындады. Бұл туралы Qazaqyia.kz порталы Sputnik Kazakhstan басылымына сілтеме жасап хабарлайды.
О'Салливанның айтуынша, санкциялардың БҰҰ мандаты жоқ болғандықтан және халықаралық құқық бойынша заңды күші жоқ болғандықтан, "санкциялардың моральдық және экономикалық күші" тек кең коалицияның арқасында мүмкін болып отыр.
Бұған дейін, 18-19 маусымда Брюссельдегі саммитте Еуроодақ көшбасшылары экономикалық санкцияларды дәстүрлі алты айдың орнына бір жылға ұзарту туралы саяси келісімге келді. Сонымен қатар Еуроодақ елдері Ресейге қарсы шектеу шараларының 21-ші пакетін жеделдетіп қабылдауға шақырды.
Ресей бірнеше жыл бұрын Батыстың санкциялық қысымына төтеп беретінін бірнеше рет мәлімдеген. Ресей президенті Владимир Путин Ресейді тежеу және әлсірету саясаты Батыстың ұзақ мерзімді стратегиясы екенін және санкциялар бүкіл әлемдік экономикаға ауыр соққы бергенін айтқан.