Сауд Арабиясындағы Эр-Рияд әуежайына жасалған шабуылдардан қаза тапқандар саны 14 адамға жетті. Бұл туралы Qazaqyia.kz порталы Sputnik Kazakhstan басылымына сілтеме жасап хабарлайды.
Сауд Арабиясының Азаматтық авиация бас дирекциясы сенбі күні Эр-Рияд әуежайына соққы жасалып, адамдар зардап шеккенін, салдарынан әуе портын жабуға тура келгенін хабарлады. Сенбіде 13 адам қайтыс болды, 300-ден астамы зардап шекті, деп жазады Al Jazeera.
Жексенбі күні жасалған соққыдан Пәкістан азаматы қаза тауып, тағы 11 адам зардап шекті.
Қаза тапқандар мен зардап шеккендердің арасында қазақстандықтар жоқ, деп хабарлады тілшімізге қазақстандық сыртқы істер министрлігі.
Эр-Рияд әуежайы тағы бір тәулікке жабылды, деді FlightRadar әуе қозғалысын бақылау порталы. "Эр-Рияд әуежайының жабылуы тағы бір күнге ұзартылды", - делінген Х әлеуметтік желідегі порталдың хабарламасында.
Бес күн ішінде әуежайға төрт рет шабуыл жасалды, билік залалды бағалау және қауіпсіздікті тексеру жұмыстарын жүргізіп жатыр. Сауд Арабиясы бұған дейін хуситтерді Эр-Рияд әуежайына шабуыл жасады деп айыптаған.
Қазақстан бұл шабуылды айыптап, дағдарысты дипломатиялық жолмен шешуге шақырды. Қазақстан Сауд Арабиясындағы азаматтық инфрақұрылымдарға шабуылдарды қатаң айыптайды, деп мәлімдеді СІМ.