Әлемдік жұлдыз, әнші Энрике Иглесиас Астанада өткен концертінен кейін Instagram-да «Астана Арена» стадионының жанында жас жігіттердің оның «Takin’ back my love» композициясына лезгинка билеп жатқан видеосын жариялады. Бұл туралы Qazaqyia.kz порталы Kursiv Media басылымына сілтеме жасап хабарлайды.
Пікірлерден белгілі болғандай, кадрларда қазақстандық хореограф Салим Айлазовтың шәкірттері түсіпті.
Қазақстандықтар әлемдік артистің жарияланымын әзілмен және мақтанышпен қарсы алды. Көпшілік пікірлерде Қазақстан — 130-дан астам ұлт өкілдері татулық пен келісімде өмір сүретін үлкен көпұлтты және достық ел екенін атап өтті.
Бұған дейін «Курсив» Астанада Иглесиастың концерті үлкен жетістікпен өткенін жазған болатын, ал бірнеше сағаттан кейін дәл осындай концерт ол Алматыда өткізеді.
Иглесиас Алматыға әлдеқашан жеткен. Әлемдік жұлдызды жанкүйерлер кездейсоқ байқап, артисті видеоға түсіріп үлгерген.
Әншінің кадрлары әлеуметтік желілерде пайда болып, пайдаланушылар арасында тез таралуда.
Фанаттар да, қалалық қызметтер де дайындалуда. Шоу қаланың Орталық стадионында өтеді. Өнер көрсету кезінде екі мыңға жуық полицей кезекшілік етеді.
Көрермендердің стадионға кіруі 16:00-ден басталады. Негізгі кіреберістер Абай даңғылы мен Байтұрсынов көшесі жағынан жұмыс істейді.
Концерттен кейін бірнеше бағыт бойынша қосымша шаттлдар жіберіледі: әуежайға, Орбита шағын ауданына, Алматы-1 вокзалына, Райымбек даңғылы — Алатау көшесіне, сондай-ақ «Алматы Аренаға».
Бұған дейін Kursiv LifeStyle концертте Иглесиастың назарын аударудың және ол сахнаға шақыратын көрермендер қатарына қосылудың ең сенімді тәсілдерін тізімдеген болатын.