Әлемдік рейтингте екінші орында тұрған қазақстандық теннисші Елена Рыбакина US Open турнирінің төртінші айналымында жапониялық Наоми Осаканы (рейтингте 13-орын) 6:1, 6:4 есебімен жеңіп, ширек финалға шықты. Бұл туралы Qazaqyia.kz порталы Sputnik Kazakhstan басылымына сілтеме жасап хабарлайды.
Ойыншылар кортта бір сағат жеті минут ойнады. Матч барысында Елена Рыбакина алты эйс жасап, бір рет қос қателік жіберді және сегіз брейк-пойнттың үшеуін сәтті жүзеге асырды.
Ал Наоми Осака екі эйс жасап, бес рет қос қателікке жол берді және матч кезінде ие болған жалғыз брейк-пойнтты пайдалана алмады.
Елена Рыбакина US Open турнирінің жартылай финалына шығу үшін қытайлық теннисші Чжэн Циньвэньмен кездеседі. Жеңіске жеткен жағдайда қазақстандық теннисші әлемнің бірінші ракеткасы атанады.