Қазақстандық теннисші Елена Рыбакина (2) Торонтодағы Канада ашық чемпионатының ширек финалында жапондық Наоми Осаканы (13) 4:6, 7:6 (7:5), 6:4 есебімен жеңіп, жартылай финалға шықты. Бұл туралы Qazaqyia.kz порталы Kursiv Media басылымына сілтеме жасап хабарлайды.
Бір қызығы, бұл екі танымал теннисші – 28 жастағы Осака мен 27 жастағы Рыбакина – бұған дейін кортта кездеспеген еді. Торонтодағы ширек финал олардың алғашқы кездесуі болды.
Кездесудің бірінші геймінде жапондық теннисші брейк жасады. Сет соңына дейін қарсыласына кері брейк жасатпай, 6:4 есебімен жеңіске жетті. Екінші партияда Осака Рыбакинаның екі подачасын алып, бірақ Елена дәл солай жауап беріп, тай-брейкте дәлірек болды – 7:5.
Үшінші сетте Рыбакинаның подачасы айтарлықтай жақсарды. Бұл қарсыласын біршама әлсіреткендей болды. Жетінші геймде брейк жасаған қазақстандық теннисші қиын матчты жеңіспен аяқтады. 4:6, 7:6 (7:5), 6:4 есебімен 2 сағат 33 минутта аяқталды. Эйстер саны – 15:3, қос қателіктер – 6:6, барлық ұтылған ұпайлар – 111:107.
Жартылай финалда Рыбакинаның қарсыласы америкалық Кори Гауфф болады. Әлемнің төртінші ракеткасы швейцариялық Белинда Бенчичтің (14) бас тартуына байланысты ширек финалды ойнамай-ақ өтті.
Канада ашық чемпионаты 1881 жылдан бері өткізіліп келеді. Дәл сол жылы оның алғашқы ізашары – ерлер турнирі өтті. Ал 11 жылдан кейін әйелдер турнирі де қосылды.
Жұп жылдары әйелдер турнирі Торонтода, ерлер турнирі Монреалда өтеді. 2011 жылдан бастап US Open Series құрамына кіретін хардтағы жарыстар бір уақытта өтеді.
Торонтодағы қазіргі WTA-1000 турнирінің толық атауы – National Bank Open Presented by Rogers. Жүлде қоры – 7,4 миллион доллар.
Турнирді әр жылдары америкалықтар Крис Эверт, Мартина Навратилова, Дженнифер Каприати, Моника Селеш, Серена Уильямс жеңген. Сондай-ақ неміс Штеффи Граф, швейцариялық Мартина Хингис, бельгиялықтар Жюстин Энен мен Ким Клейстерс, франциялық Амели Моресмо және басқа да жұлдыздар.
Қазіргі чемпион Виктория Мбоко жарақатына байланысты биылғы үй турнирін өткізіп жіберіп отыр. 2025 жылғы жартылай финалда канадалық Рыбакинаны 1:6, 7:5, 7:6 (7:4) есебімен жеңген, ал финалда жапондық Осаканы 2:6, 6:4, 6:1 есебімен ұтқан.