Қазақстанның халықаралық және республикалық автожолдары бойында бүгінде электромобильдерге арналған 62 зарядтау станциясы (ЭЗС) жұмыс істейді. 2034 жылға дейін олардың санын 300-ден астамға ұлғайту жоспарлануда. Бұл туралы Qazaqyia.kz порталы AutoReport басылымына сілтеме жасап хабарлайды.
Қай өңірлерде көп?
Ең көп ЭЗС Алматы және Жамбыл облыстарында орналасқан — әрқайсысында 12-ден. Одан кейін:
- 01Түркістан облысы — 8
- 02Қарағанды облысы — 7
- 03Астана қаласы — 6
- 04Алматы қаласы — 5
- 05Шымкент қаласы — 4
- 06Қызылорда облысы — 3
- 07Атырау облысы — 2
- 08Батыс Қазақстан облысы — 2
- 09Солтүстік Қазақстан облысы — 1
- 10Павлодар облысы — 1
- 11Қостанай облысы — 1
- 12Маңғыстау облысы — 1
Қай өңірлерде жоқ?
Алайда төрт өңір әлі де мұндай станцияларсыз қалып отыр. Бұл — Абай облысы, Ұлытау облысы, Шығыс Қазақстан облысы және Ақтөбе облысы.
Жаңа станциялар қалай ашылады?
Минтранс деректері бойынша, жаңа ЭЗС заманауи жол бойы сервис нысандарының құрамында ашылатын болады. Онда сондай-ақ дүкендер, жүргізушілерге арналған демалыс аймақтары, санитарлық-тұрмыстық үй-жайлар және күн электр станциялары пайда болады. Қаржыландыруды жеке инвесторлар қамтамасыз етеді. Министрлікте бұл жоба жаңа жұмыс орындарын құруға және электромобильдер инфрақұрылымының дамуын жеделдетуге мүмкіндік береді деп есептейді.
Салыстыру үшін
2025 жылы Қазақстан трассалары бойында 45 ЭЗС болған. Қазір олардың саны 62-ге жетті, ал жоба іске асқаннан кейін желі 300 станциядан асады.
Бұған дейін Курсив Авто электромобильдердің Қазақстанда жаппай сегментке өтіп жатқанын хабарлаған болатын.