Қазақстанда 25 тамыздан бастап электр самокаттарға тротуарларда жүруге тыйым салынды. Бұл туралы Qazaqyia.kz порталы Kursiv Media басылымына сілтеме жасап хабарлайды.
Енді самокатшылар тек веложолдарда, велосипед жолақтарында және жолдың жүру бөлігінің жиегінде жүре алады. Бұзушыларды ұстау үшін полицияның барлық күші жұмылдырылады: ірі қалаларда жолдарды электр самокаттармен патрульдейтін құқық қорғаушылар болады. Сонымен қатар, тротуарларды бейнебақылау камералары мен дрондар бақылайды.
ДТП статистикасы
«Жыл басынан бері электр самокаттардың қатысуымен 139 жол-көлік оқиғасы тіркелді, оларда екі адам қаза тапты», — деп хабарлады ҚР ІІМ баспасөз қызметі.
Жаңа ережелер
Еске салайық, 1 шілдеден бастап қазақстандықтар электр самокаттарда жүргенде жол қозғалысының толыққанды қатысушылары болды. Егер самокаттағы адам жаяу жүргіншіні өткізбесе, оған 2 АЕК (8 650 теңге) айыппұл салынады.
Сарапшының пікірі
Бұған дейін Тәуелсіз автомобиль одағының төрағасы Эдуард Эдоков «Курсивке» өз алаңдаушылығын білдірген болатын. Оның пікірінше, электр самокаттарды жолға ауыстырғаннан кейін олармен болатын өлімге әкелетін апаттар саны күрт өседі.