Екібастұзда тұрғын үй ауласында 6 жасар баланы көлік қағып кетіп, қаза тапты. Жол-көлік оқиғасы 19 қыркүйек күні кешке Ауэзов көшесі, №93 үйдің маңында болған. Бұл туралы Qazaqyia.kz порталы Kursiv Media басылымына сілтеме жасап хабарлайды.
Оқиға туралы алғашқы ақпаратты Telegram-дағы HALYQSTAN арнасы таратты. Баланың туыстары апаттың куәгерлерін іздеп жүр. Олар соққы сәтін көрген немесе сол маңда болып, болған жайды бейнежазбаға түсіріп алған адамдардан хабарласуды сұрайды. Сондай-ақ отбасы бақылау камераларының жазбаларын да іздестіруде.
Павлодар облысы полиция департаменті баланың қаза тапқанын растады. Жол-көлік оқиғасы фактісі бойынша қылмыстық іс қозғалды. Соққының мән-жайы анықталуда. Полиция әзірге өзге егжей-тегжейлерді хабарлаған жоқ.
Бұған дейін «Курсив» Алматыда автобус пен Toyota Highlander соқтығысып, тоғыз адам медициналық көмекке жүгінгенін жазған болатын. Полицейлер апаттың мән-жайын анықтау үшін сараптамалар тағайындады.