Еуропалық комиссия Украинаның Еуроодақтың несиелік қаражаты есебінен Patriot әуе қорғанысы жүйелеріне арналған зымырандарды сатып алу туралы өтінішін мақұлдады. Бұл туралы Qazaqyia.kz порталы Sputnik Kazakhstan басылымына сілтеме жасап хабарлайды.
Украиналық «Общественное» басылымы еуропалық шенеунікке сілтеме жасай отырып, Еуропалық комиссия Украинаның 90 млрд еуро көлеміндегі несие қаражаты есебінен Patriot әуе қорғанысы жүйелеріне арналған зымырандарды сатып алу туралы өтінішін мақұлдағанын хабарлады.
Владимир Зеленский бұған дейін Украина Қарулы күштеріндегі нысананы жоятын зымырандар қорының 2025 жылмен салыстырғанда 2,5 есеге азайғанын мәлімдеген болатын.
12 тамызда Жоғарғы Рада депутаты Анна Скороход Украинаның әуе шабуылына қарсы қорғаныс құралдарының тапшылығына байланысты апатты жағдайға тап болғанын, соның салдарынан Украина Қарулы күштері атып түсірілген зымырандар саны туралы ақпарат беруді тоқтатқанын айтты.