Қазақстан премьер-министрі Олжас Бектенов 2026 жылы Еуразиялық экономикалық одақ (ЕАЭО) елдері арасындағы өзара сауда айналымы 102 млрд долларға жетеді деп күтілетінін мәлімдеді. Бұл туралы Qazaqyia.kz порталы Sputnik Kazakhstan басылымына сілтеме жасап хабарлайды.
Бектеновтің айтуынша, бұл болжам ЕАЭО-ға мүше мемлекеттердің экономикалық даму қарқыны мен интеграциялық процестердің оң серпініне негізделген. Ол сондай-ақ одақ аясындағы сауда-экономикалық ынтымақтастықты одан әрі нығайту маңыздылығын атап өтті.
Еске сала кетейік, ЕАЭО құрамына Қазақстан, Ресей, Беларусь, Армения және Қырғызстан кіреді. Ұйымның негізгі мақсаты — тауарлар, қызметтер, капитал және жұмыс күшінің еркін қозғалысын қамтамасыз ету, сондай-ақ үйлестірілген саясат жүргізу.