Еуразиялық экономикалық комиссия алқасы Кеден одағының "Азық-түлік қауіпсіздігі туралы" техникалық регламентіне (КО ТР 021/2011) ерікті қолдану стандарттарының тізіміне түзетулер енгізді. Бұл туралы Qazaqyia.kz порталы Sputnik Kazakhstan басылымына сілтеме жасап хабарлайды.
"Стандарттар тізімі осы техникалық регламент бойынша мемлекетаралық стандарттарды әзірлеу бағдарламасына сәйкес үш құжатпен толықтырылады және тізімге енгізілген мемлекетаралық стандарттарды әзірлеуге негіз болған Еуразиялық экономикалық одақ елдерінің үш ұлттық стандартын алып тастайды", - делінген хабарламада.
Тізімдегі үш құжат та жаңартылады, себебі оларды қайта қарау бойынша жұмыстар бағдарламаға сәйкес аяқталды.
Стандарттар тізімдеріне түзетулер ЕЭК алқасының шешімі ресми жарияланғаннан кейін 180 күнтізбелік күннен кейін күшіне енеді.
Комиссия мұндай түзетулер ЕАЭО-ның барлық елі осындай стандарттарды сақтаған жағдайда, уәкілетті стандарттау органдарының ұсыныстары негізінде қоғамдық талқылау рәсімдерінсіз немесе тиісті консультативтік комитеттің отырысында қараусыз енгізілетінін хабарлады.