«Вести» ақпараттық қызметі Бүкілресейлік мемлекеттік телевизия және радиохабар тарату компаниясы баспасөз қызметінің хабарламасын жариялады. Бұл туралы Qazaqyia.kz порталы Sputnik Kazakhstan басылымына сілтеме жасап хабарлайды.
Онда «Россия сегодня» медиа тобының бас директоры Дмитрий Киселевтің «Россия» телеарнасында жаңа авторлық бағдарламаны іске қосып жатқаны айтылған. «Киселев» деп аталатын жаңа бағдарламада жүргізуші Ресейдегі және әлемдегі ең маңызды оқиғаларға қатысты өзіндік көзқарасын ұсынады.
«Киселев» публицистік бағдарламасы 6 қыркүйектен бастап әр жексенбі сайын сағат 22:00-де «Россия» телеарнасында эфирге шығады. «Вести Недели» атты қорытынды бағдарламаны Евгений Попов жүргізеді.