Аналитикалық компания Opta Analyst суперкомпьютері 2026 жылғы футболдан әлем чемпионатының басты фавориті ретінде Франция құрамасын атады. Бұл туралы Qazaqyia.kz порталы Kursiv Media басылымына сілтеме жасап хабарлайды.
Компьютердің есептеуінше, француздардың турнирде жеңіске жету ықтималдығы – 18,66%.
Үздік үштікке сондай-ақ Аргентина (16,26%) және Испания (13,47%) құрамалары кіреді.
Алғашқы ондықта Англия (9,68%), Бразилия (6,47%), Нидерланд (5,11%), Португалия (4,74%), Германия (4,36%), Колумбия (3,19%) және Норвегия (2,95%) құрамалары орналасқан.
Франция құрамасы топтық кезеңде Сенегалды (3:1), Иракты (3:0) және Норвегияны (4:1) жеңді. 1/16 финалда француздар шведтермен кездеседі.
Бұған дейін Opta фаворит ретінде Испания құрамасын, ал топтық кезеңнің екінші турынан кейін Аргентина құрамасын атаған болатын.
Еске сала кетейік, 2026 жылғы футболдан әлем чемпионатының плей-офф кезеңі бүгін, 2026 жылғы 28 маусымда Лос-Анджелесте басталады. Тарихи матч Мәскеу уақытымен сағат 22:00-де (Қазақстан уақытымен 00:00-де, 29 маусымға қараған түні) басталады.
Әлем чемпионаты-2026 1/16 финалының алғашқы матчы Оңтүстік Африка мен Канада құрамалары арасында өтеді. Ойын Инглвудтағы «Соу-Фай» стадионында өтеді. Бұл жұптың жеңімпазы 1/8 финалда Нидерланд – Марокко матчының жеңімпазымен кездеседі.