BTS әлемдік турнесіне оралғанда, Оңтүстік-Шығыс Азиядағы жанкүйерлер билет сатып алу үшін алаяқтарға 100 000 доллардан астам жоғалтты. Бұл туралы Qazaqyia.kz порталы BBC News басылымына сілтеме жасап хабарлайды.
26 жастағы Vevee есімді жанкүйер Ticketmaster-тен билет ала алмай, X әлеуметтік желісіндегі сатушыдан 1200 долларға төрт VIP билет сатып алған. Ақшаны жібергеннен кейін сатушы байланысқа шықпай қойған. Бұл оның екі айлық жалақысына тең.
Тайландта 126 жанкүйер билет кезегіне тұруға көмектесемін деп алданған. Сингапур полициясы 1 маусымнан бері BTS концертіне қатысты 62 шағым тіркеген, шығын 68 000 сингапур долларынан асқан. Малайзияда 28 адам алданғанын хабарлаған.
BTS-тің Arirang World Tour турнесі 2027 жылға дейін созылып, 34 қаланы қамтиды. Талдаушылардың айтуынша, топ пен Hybe лейблі концерттер, тауарлар, лицензиялар, альбомдар мен стримингтен 2 миллиард долларға жуық табыс табады. Азияда билеттерге сұраныс ұсыныстан 15 есе артық.
Vevee билеттерді ресми арналар арқылы қайта сатып алуға тырысады. Ол BTS-ті 14 жасынан бері тыңдайды және 2019 жылы Бангкоктағы концертке жалғыз барған.