Фото: stan.kz
Белгілі әнші Тамара Асар жұбайының бірінші некесінен туған ұлының қазасына байланысты жазба жариялады, деп хабарлайды qazaqyia.kz/
Өнер иесі жүректен шыққан өлең жолдарын жазып, ауыр қазаға байланысты елден келген көңіл айту сөздеріне алғысын білдірді:
««Өндірдей болған өрен-ау, Бауырыма басқан «бөлегім». Құлағыңа сенің жетті ме, Қапыда шыққан өлең-ау?.. Жұртшылық келдің жиылып, Жұбатып жаттың қиылып. Жұмаштың парлап көз жасы, Жүрегіме толды-ау құйылып. Әлішер кеттің шалғайға, Сен қайда бүгін, мен қайда? Торқадай болып топырағың, Иманың жолдас болғай да. Дұғада күнде отырмын Талай да әлі оқырмын. Қаңқу сөз «өгей» десе де, Қайырын сұрап отырмын.»
—
Әнші көпшіліктің қолдауына ризашылығын жеткізді:
««Қиындықта қасымызда болып, алыстан-жақыннан көңіл айтып, қиындық бөліскен әрбір жанға бас иіп, рақметімізді айтамыз. Алланың ісіне шара жоқ, артының қайырын сұраймыз. Құдайдан үмітіміз бар. Жақсы күндер көп болсын. Жастар аман болсын! Дұғадамыз!»»
—
Тамара Асардың бұл жазбасы желі қолданушыларын толқытты. Көпшілік әншіге сабыр тіледі, марқұмға Алладан жарылқау сұрап, жылы пікірлер қалдыруда.