ҚР ТЖМ хабарлауынша, Қарағанды облысындағы Приозерск қаласы жағажайының маңындағы Балқаш көлінде құтқарушылар екі балаға көмекке келді. Бұл туралы Qazaqyia.kz порталы Kursiv Media басылымына сілтеме жасап хабарлайды.
Оқиға суда жүзу тақтасында серуендеу кезінде болған. Қатты жел балаларды жағадан шамамен 250 метрге алып кеткен.
Құтқарушылар жедел әрекет етіп, оларды жағаға жеткізді. Балаларға медициналық көмек қажет болмады.
ТЖМ ескертуі
ТЖМ ата-аналарға ескерту жасайды:
- 01Балаларды су жағасында қараусыз қалдырмаңыз;
- 02Қайықтарда, катамарандарда және SUP-бордтарда жүзу кезінде құтқару кеудешелерін киіңіз;
- 03Ауа райы жағдайын және желдің күшін бақылаңыз.
Бұған дейін «Курсив» Каспий теңізінде үш ер адамның үрлемелі қайықпен теңізге кеткенінен кейін тірі табылғанын жазған болатын.