Қазақстанның солтүстігінде ауа температурасы төмендеп, оңтүстікте жазғы жылы ауа райы сақталады. Бұл туралы Qazaqyia.kz порталы Sputnik Kazakhstan басылымына сілтеме жасап хабарлайды.
«Қазгидромет» синоптиктерінің мәліметінше, алдағы күндері Қазақстанның басым бөлігінде ауа райын солтүстік-батыс циклоны және онымен байланысты атмосфералық фронттар анықтайды.
Тұрақсыз ауа райы
Ауа райы тұрақсыз болады: жаңбыр жауып, кей жерлерде найзағай ойнайды, жел күшейіп, ауа температурасы біртіндеп төмендейді.
Еліміздің оңтүстік-шығысында 12 қыркүйекте жаңбыр жауады, ал жылы ауа райы сақталады.
Батыста тұрақтану
Батыста циклон өткеннен кейін жауын-шашын әлсіреп, ауа райы біртіндеп тұрақтанады.
Температуралық фон
Ауа температурасы солтүстік және солтүстік-батыс өңірлерде +13…+23°С-қа дейін, орталықта +15…+25°С-қа дейін төмендейді.
Ал батыста температура біртіндеп +20…+28°С-қа дейін жоғарылайды.