Атырау тұрғындары мұнай өңдеу зауытының қондырғысынан шыққан қою қара түтінге шағымданып, қаладағы ауа сапасына алаңдаушылық білдірді. Бұл туралы Qazaqyia.kz порталы Sputnik Kazakhstan басылымына сілтеме жасап хабарлайды.
Кәсіпорын өкілдері жағдайға қатысты түсініктеме берді. Зауыттың баспасөз қызметінің мәліметінше, кешкі уақытта қондырғыдан шыққан қою бу қара түтінге ұқсап көрінуі мүмкін.
Кәсіпорын өкілдері мұны жарықтың түсу ерекшелігімен түсіндірді. «Зауыт штаттық режимде жұмыс істеп тұр. Жабдықтың жұмысында авариялық жағдайлар мен технологиялық ауытқулар тіркелген жоқ», – деп хабарлады кәсіпорынның баспасөз қызметі.
Зауыт өкілдері тұрғындар байқаған қою түтіннің су буы екенін мәлімдеді.