Атырау қаласының әкімі Шәкір Кейкин қызметтен өз еркімен кетті. Бұл туралы Qazaqyia.kz порталы Sputnik Қазақстан басылымына сілтеме жасап хабарлайды.

Облыстық әкімдік бұл ақпаратты растады. Аймақ басшысы оның өтінішіне қол қойды.

Әкім қызметіне тағайындалуы

Шәкір Кейкин Атырау қаласының әкімі қызметіне 2023 жылы 10 шілде күні тағайындалған болатын.

Еңбек жолы

Бұған дейін ол сауда және интеграция министрлігінде сауда департаментін басқарған. Еңбек жолын «Теңізмұнайкомплект» ЖШС коммерциялық бөлімінің брокері ретінде 1993–1999 жылдары бастаған.

Одан кейін «РАМАКО» ЖШС директордың коммерция жөніндегі орынбасары, «Казстройсервис ЛТД» ЖШС директоры болған.

Әр жылдардағы қызметтері

  • 012008 жылы 8 айдай Жылыой ауданы Қосшағыл ауылдық округінің әкімі қызметін атқарды.
  • 02Сол жылы қараша айында Жылыой ауданы Құлсары қаласы әкімінің орынбасары болып кетті.
  • 032009–2018 жылдары — Жылыой ауданы Құлсары қаласының әкімі.
  • 042018–2019 жылдары — Атырау қаласы Тұрғын-үй коммуналдық шаруашылығы, автомобиль жолдары және жолаушылар көлігі бөлімінің басшысы.
  • 052019 жылы — Атырау қаласы әкімінің орынбасары.
  • 062019–2022 жылдары — Мақат ауданының әкімі.

Бұған дейінгі ақпарат

Айта кетері, бұған дейін Атырау қаласы әкімінің міндетін атқарушы Тілек Махауовтың ұсталғаны туралы ақпарат тараған болатын. Оған пара алды деген айып тағылып отыр.