26-28 маусым аралығында Астанадағы Сығанақ көшесінің бір бөлігінде жол жөндеу жұмыстары жүргізіледі, көлік қозғалысы уақытша өзгереді. Бұл туралы Qazaqyia.kz порталы Kursiv Media басылымына сілтеме жасап хабарлайды.
Қазақстан астанасында Сығанақ көшесінің Арыс көпірінен (М-3) Түркістан көшесіне дейінгі учаскесінде жолдың жоғарғы қабатын төсеу жұмыстары басталады. Жұмыстар ағымдағы жылдың 26-28 маусымы аралығында жүргізіледі деп жоспарланған.
Жөндеу жұмыстары кезінде автокөлік қозғалысы екі бағытта да жолдың бір жағымен ұйымдастырылады. Бұл көліктердің өтуін қамтамасыз етеді, алайда осы учаскеде уақытша қиындықтар мен трафиктің баяулауы мүмкін.
Астана әкімдігі жүргізушілер мен жаяу жүргіншілерге жүру бағыттарын алдын ала жоспарлап, жол қозғалысын ұйымдастыру схемасындағы өзгерістерді ескеруді ұсынды.
Бұған дейін «Курсив» Алматыда жол жөндеу жұмыстарына байланысты 12 автобус бағытының қозғалыс схемасы өзгеретінін хабарлаған болатын.