Астанада Tarlan Astana екінші кезеңін салу жұмыстарына байланысты екі жол учаскесінде көлік қозғалысына ішінара шектеу енгізілді. Бұл туралы Qazaqyia.kz порталы Kursiv Media басылымына сілтеме жасап хабарлайды.
Шектеу Сығанақ және Айтматов көшелерінде қолданылады. Жүргізушілерден маршруттарын алдын ала өзгертіп, жол белгілерін ескеру сұралады.
Бұған дейін «Курсив» Алматыдағы ЛРТ бірінші желісінің құрылысы туралы жазған болатын. Ол 2026 жылдың маусым айының басында ресми түрде басталды. Желі шамамен 18 км-ге созылады, бойында 34 платформа қарастырылған. Абылай хан даңғылынан Алматы-2 вокзалына дейінгі учаскеде пойыздар автономды режимде жұмыс істейтін болады.
Маусым айының соңында жұмыстар Төле би көшесіне жетіп, болашақ жолдар үшін учаске дайындала бастады. Құрылысқа байланысты автокөлік жүргізушілері екі жолақтан айырылды, ал қоғамдық көлік жолаушылары кептелісте тұрып, жаңа желінің іске қосылуын күтуге мәжбүр.
Әкімдікте барлық құрылыс жұмыстарын 2027 жылдың соңына дейін аяқтауды жоспарлап отырғанын мәлімдеген болатын.