Астанада 11 тамыздан 31 тамызға дейін Богенбай батыр даңғылының бір бөлігінде жолдың орташа жөндеуіне байланысты қозғалыс ішінара жабылады. Бұл туралы Qazaqyia.kz порталы Kursiv Media басылымына сілтеме жасап хабарлайды.
Шектеулер Шоқан Уәлиханов көшесінен Сарыарқа даңғылына дейінгі учаскеде енгізіледі. Көлік қозғалысы жолдың бір жағымен екі бағытта ұйымдастырылады.
Жүргізушілер мен жаяу жүргіншілерден маршруттарын алдын ала жоспарлап, жол қозғалысын ұйымдастырудағы өзгерістерді ескеру сұралады. Учаскеде уақытша жол белгілері мен көрсеткіштер орнатылады.
Бұған дейін «Курсив» 9-13 тамыз аралығында «Астана қаласын айналып өту» автожолының 22-30 шақырым аралығында орташа жөндеуге байланысты қозғалыстың уақытша шектелгенін жазған болатын. Жүргізушілерден маршрутты алдын ала жоспарлап, жол белгілерінің талаптарын сақтау сұралды.