23 маусымда Астанада ауа температурасы рекордтық деңгейге жетті, деп хабарлады Қазгидромет. Бұл туралы Qazaqyia.kz порталы Sputnik Kazakhstan басылымына сілтеме жасап хабарлайды.
Ауаның максималды температурасы +36,8°C-қа жетіп, алдыңғы рекордтан 0,4°C-қа асып түсті. 23 маусымдағы ең ыстық ауа райы 1941 жылы тіркелген, ол кезде сынап бағанасы 36,4°C дейін көтерілген.
24 маусымда ұзақ ыстықтан кейін ауа-райы салыстырмалы түрде салқын болды, күндіз ауа температурасы 26 градусқа дейін төмендеді. Бұған дейін синоптиктер 25 маусымнан бастап найзағай ойнап, жаңбыр, бұршақ жауады және боран соғады деп болжаған болатын.
Елдің солтүстігі мен батысында температура 23-28 градусқа дейін төмендейді, ал оңтүстік және шығыс аймақтарда 40-42 градусқа дейін ыстық болады.