Бүгін Астанада алғашқы аэротаксидің демонстрациялық ұшуы өтті. Ұйымдастырушы – қазақстандық жеке компания «Alatau Advance Air Group Ltd.» қытайлық серіктестер eVTOL AutoFlight компаниясымен бірлесіп. Бұл туралы Qazaqyia.kz порталы Kursiv Media басылымына сілтеме жасап хабарлайды.
Демонстрация үшін eVTOL AutoFlight Prosperity борты пайдаланылды, ол бір ұшқыш пен бес жолаушыға есептелген. Аппарат сағатына 200 км-ге дейін жылдамдыққа жетіп, 200 км-ге дейін қашықтықты жүріп өте алады.
Алайда қауіпсіздік талаптарын сақтау мақсатында демонстрациялық ұшу жолаушысыз өтті.
«Астанадағы аэротаксидің демонстрациялық ұшуы – бұл жеке шара емес, Қазақстанда қалалық әуе мобильділігін енгізу бойынша жүйелі жұмыстың бөлігі... Демо-ұшулар саланы жаңа технологияларды практикалық енгізуге кезең-кезеңмен дайындауға мүмкіндік береді», – деді «Alatau Advance Air Group Ltd.» жеке компаниясының бас директоры Сергей Хегай.
Демонстрациялық ұшудан кейін AutoFlight Prosperity аэротаксиі Астанадағы «Болашақ ойындары 2026» халықаралық турнирінің экспонаттарының біріне айналады. 29 және 30 шілдеде аппарат «Барыс Арена» алдындағы ашық экспозицияда көрсетіледі.
Бұған дейін «Курсив» Алматыдан Қонаевқа аэротаксимен ұшудың құны 32 мың теңге болуы мүмкін екенін жазған болатын.