Астанада 2026 жылғы 5–7 қараша аралығында көшелердің жекелеген учаскелерінде көлік қозғалысы уақытша шектеледі. Бұл туралы Qazaqyia.kz порталы Kursiv Media басылымына сілтеме жасап хабарлайды.
Шектеулер халықаралық саяси іс-шараларды дайындау және өткізуге байланысты енгізіледі.
Қауіпсіздікті қамтамасыз етуге арнайы мемлекеттік және құқық қорғау органдары, сондай-ақ Қазақстанның Қарулы күштері тартылады.
«Сонымен қатар, 1 қарашадан бастап елорданың әуе кеңістігінде әскери авиацияның оқу-жаттығу ұшулары өткізіледі», — делінген хабарламада.
Астана тұрғындары мен қонақтарынан уақытша шектеулер мен қауіпсіздікті қамтамасыз ету шараларына түсіністікпен қарауды сұрайды.