Астанада полиция көлігінің шанағына қорлайтын және әдепсіз сөздер жазылған автокөлік иесін анықтап, қамауға алды. Сот оған 10 тәулік әкімшілік қамау жазасын тағайындады. Бұл туралы Qazaqyia.kz порталы Kursiv Media басылымына сілтеме жасап хабарлайды.
Астанадағы автокөліктің бейнежазбасын Threads әлеуметтік желісінде «Жалобы Астана» паблигі жариялады. Көліктің бүкіл шанағы мен әйнектері ақ бояумен жазылған. Жазулардың арасында «урод», «изменщик», «тварь» деген сөздер, сондай-ақ әдепсіз сөздер болған. Паблик авторлары бұл жазулардың артында қарым-қатынас тарихы тұр деп болжады.
Бір тәуліктен кейін Есіл ауданының полициясы көлік иесін тапқанын хабарлады.
«Айналадағыларға көрінетін, әдепсіз былапыт сөздер мен қорлайтын жазулары бар автокөлікпен жүрген астаналық тұрғын анықталды», — делінген полиция хабарламасында.
Мамандандырылған сот автокөлік иесін ӘҚБтК-нің 434-бабының 1-бөлігі бойынша, яғни ұсақ бұзақылық үшін 10 тәулікке қамауға алды.
Сонымен қатар, Алматыда автомобильшілер Хэллоуин мерекесі қарсаңында көліктерін жасанды қанмен, қанды қол іздерімен және адамның аяқ-қолының муляждарымен безендіре бастады. Полиция мұндай декорациялар жол қозғалысына қауіп төндіруі мүмкін екенін ескертті, ал ережелерді бұзған жағдайда жүргізушілерге әкімшілік жауапкершілік қауіп төнеді.