Астанада ер адам қоғамдық орында киімсіз көрінгені үшін 15 тәулік әкімшілік қамауға алынды. Бұл туралы Qazaqyia.kz порталы Kursiv Media басылымына сілтеме жасап хабарлайды.
Істі Астананың мамандандырылған ауданаралық әкімшілік құқықбұзушылықтар жөніндегі соты қарады. Сот деректеріне сәйкес, ер адам бөгде адамдардың көзінше жалаңаш күйде болып, қоғамдық тәртіпті бұзған. Оқиғаның қай жерде болғаны хабарламада нақтыланбаған.
Сот отырысында ол кінәсін мойындап, өкінген. Оқиғаның мән-жайы әкімшілік хаттамамен, оның түсініктемелерімен және оқиға орнынан түсірілген бейнежазбамен расталды.
«Сот ер адамды ӘҚБтК-нің 434-бабының 1-бөлігі бойынша құқықбұзушылық жасағаны үшін кінәлі деп танып, 15 тәулік әкімшілік қамауға алды», — делінген хабарламада.
Жаза тағайындау кезінде сот істің мән-жайын, ер адамның жеке басын және оның оқиғаға дейінгі және кейінгі мінез-құлқын ескерген. Қаулы әзірге заңды күшіне енбеген.
Бұған дейін «Курсив» Астанада полицейлер екі ер адамды подъездердегі әрекеттерінен кейін ұстағанын жазған. Біреуі балалар арбасының жанындағы баспалдақ алаңында трусын шешіп тастаса, екіншісі іш киіммен лифтіні қиратқан.
Ал Өскеменде полиция әйелдер киімін киіп, басына трусын киген ер адаммен айналысуға мәжбүр болды.