2025 жылы Астанаға 1 млн 604 мың турист келді, бұл өткен жылмен салыстырғанда 7%-ға артық. Бұл туралы Qazaqyia.kz порталы Kursiv Media басылымына сілтеме жасап хабарлайды.
Астанаға ең жиі келетін туристер — Ресей, Қытай, Түркия, Германия және АҚШ азаматтары. Билік туризм саласын елорданың экономикалық дамуының негізгі драйверлерінің бірі ретінде қарастырады, оны іскерлік белсенділікпен қатар қояды.
Туристік ағынның артуы қала экономикасына оң әсер етеді. Қонақ үйлердің, мейрамханалар мен кафелердің, бөлшек сауда нысандарының кірістері өсуде, сондай-ақ көлік, экскурсиялық және басқа да қызметтерге сұраныс артып келеді.
Kazakh Tourism басқарма төрағасының міндетін атқарушы Едіге Әділханов туристердің болу ұзақтығы экономикалық әсерге тікелей әсер ететінін атап өтті. Оның айтуынша, шетелдік қонақтарға қазақстандық мәдениет пен дәстүрлермен танысу мүмкіндігі қызықты.
Ал еліміздің тұрғындары үшін Астанаға сапар қысқа қалалық саяхат — city break форматына айналады, бұл бірнеше күнді жаңа жерде өткізуге және елорданың көрікті жерлерімен танысуға мүмкіндік береді.
Бұған дейін Курсив Қазақстанның туристік маусымға 191 жаңа вагон сатып алатынын жазған болатын.