Арыста мас жүргізуші әйел JAC көлігімен жаяу жүргіншілерді қағып кетті
Арыс қаласында жол апаты салдарынан үш адам қаза тапты, оның ішінде екі кәмелетке толмаған бала. Тағы екі адам ауыр жарақат алды. Қылмыстық іс қозғалды. Бұл туралы Qazaqyia.kz порталы Kursiv Media басылымына сілтеме жасап хабарлайды.
Түркістан облысының тергеу мәліметтері бойынша, JAC маркалы автокөлікті мас күйіндегі әйел адам басқарған. Ол жаяу жүргіншілер тобын қағып кеткен соң, зардап шеккендерге көмек көрсетпей, оқиға орнынан кетіп қалған.
«Оқиға орнына полиция қызметкерлері дереу жіберілді. Жедел-іздестіру шараларының нәтижесінде күдікті анықталып, ұсталып, уақытша ұстау изоляторына қамалды», — деп түсіндірді полиция.
Оқиға орнында алған жарақаттарынан үш адам, оның ішінде екі кәмелетке толмаған бала қаза тапты. Тағы екі зардап шеккен адам әртүрлі дәрежедегі жарақаттармен жақын маңдағы медициналық мекемеге жедел жеткізілді, дәрігерлер оларға қажетті көмек көрсетуде.
«Қазіргі уақытта тергеу-жедел тобы жағдайды жан-жақты, толық және объективті анықтауға бағытталған барлық қажетті шараларды жүргізуде», — деп қосты баспасөз қызметі.
Әлеуметтік желілерде оқиға қызу талқыланып жатқандықтан, полиция азаматтарды жалған ақпарат таратпауға, тек ресми дереккөздерге сенуге және қайтыс болғандардың отбасыларының қайғысын құрметтеуге шақырды.
2026 жылғы 21 наурызда сағат 03:30 шамасында Әл-Фараби даңғылы мен Мендіқұлов көшесінің қиылысында Zeekr көлігі қарсы жолаққа шығып, Mercedes-пен соқтығысқан болатын.
Zeekr көлігін 32 жастағы бизнесмен басқарған. Апаттан кейін ол жарақаттармен ауруханаға жатқызылды. Күдікті алдымен медициналық мекемеде күзетпен болды, кейін тергеу изоляторына жеткізілді.
Өткен сот отырысында айыпталушы қайтыс болғандардың туыстарына жүгініп, кешірім сұрады.
Бұған дейін «Курсив» істің тергеуі ІІМ-нің ерекше бақылауында екенін жазған болатын.