Алматыдағы Кастеев атындағы ұлттық өнер мұражайында ARTиШОК театры «Жоғалып бара жатқан өнер» атты көрме ұйымдастырады. Экспозицияға театрдың 25 жылдық жұмысы барысында жасалған 100-ге жуық авторлық театр плакаты енеді. Бұл туралы Qazaqyia.kz порталы Kursiv Media басылымына сілтеме жасап хабарлайды.
Көрмеде не көрсетіледі
Көрмеге спектакльдер мен театрдың басқа да жобаларының афишалары, сондай-ақ сахнаға шықпай қалған қойылымдардың плакаттары қойылады. Театр командасының айтуынша, ARTиШОК мұндай ауқымдағы коллекцияны алғаш рет ұсынбақ.
Жоба «Жоғалып бара жатқан өнер» деп аталды. Оның көмегімен театр авторлық плакатқа назар аудартпақ. Ұйымдастырушылардың пікірінше, жасанды интеллект дамып келе жатқан дәуірде оны сақтау ерекше маңызды.
«Суретті секундтарда алуға болады»
ARTиШОК көркемдік жетекшісі Галина Пьянова көрменің мәні туралы былай деді:
«Бүгінде суретті секундтарда алуға болады. Жарқын, ұтымды және жайлы. Бірақ суретшінің өз көзқарасы бар. Күмәні. Келіспеушілігі. Және әлемге ұсынған нәрсесі үшін жауапкершілігі бар».
Қашан баруға болады
Көрме 23 қазанда сағат 16:00-де ашылады және 2026 жылдың 20 қарашасына дейін жұмыс істейді.
Бұған дейін Kursiv LifeStyle Алматы мен Астанадағы тәуелсіз алаңдардың толық афишасын жариялаған болатын.