Арқалық қаласында 30 жыл үзілістен кейін тұрақты әуе қатынасы қалпына келтірілді. 22 тамыздан бастап қаладан Астана, Алматы және Қостанай бағыттарында рейстер орындала бастайды. Бұл туралы Qazaqyia.kz порталы Kursiv Media басылымына сілтеме жасап хабарлайды.
Астана – Арқалық бағыты
Алғашқы болып Астана – Арқалық – Астана бағыты ашылады. Рейстерді SCAT әуекомпаниясы орындайды. Астана мен Арқалық арасындағы рейстер аптасына екі рет орындалады. Бір бағыттағы билет құны 10 мың теңгені құрайды.
Алматы – Арқалық бағыты
Алматы – Арқалық – Алматы бағыты бойынша да аптасына екі рейс жоспарланған. Бір бағыттағы билет 25 мың теңге тұрады.
Қостанай – Арқалық бағыты
Сонымен қатар, облысішілік Қостанай – Арқалық – Қостанай бағыты іске қосылады. Ол да аптасына екі рет орындалады, бір бағыттағы билет құны 10 мың теңгені құрайды.
Әуежайдың дайындығы
Бұған дейін, 12 тамызда Арқалық әуежайының IATA халықаралық коды — AYK қалпына келтірілді. Бұл тұрақты әуе қатынасын қайта бастауға дайындық кезеңдерінің бірі болды.
Әуежай жұмысы 30 жылдық тоқтаудан кейін қайта жанданады. Көлік министрлігінде рейстердің ашылуы Арқалықтың көліктік қолжетімділігін арттырып, тұрғындарға, бизнес пен инвесторларға мүмкіндіктерді кеңейтеді деп есептейді.
Алғашқы рейстің салтанатты ашылуы
Алғашқы рейстің ұшырылуына көлік вице-министрі Талғат Ластаев, Қостанай облысы әкімінің орынбасары Берік Танжариков, әкімдік өкілдері, авиация саласының өкілдері және қоғам өкілдері қатысты.
Әуежайдың сертификаттары
Бұған дейін «Курсив» Арқалық әуежайының реконструкцияны аяқтап, қажетті сертификаттау рәсімдерінен өткенін жазған болатын. 3 тамызда ол авиациялық қауіпсіздік қызметінің сертификатын, 18 тамызда «Қазаэронавигацияның» аэронавигациялық қызметтерді ұсынушы ретінде сертификатын, ал 21 тамызда аэродромға жарамдылық сертификаты берілді.