22 шілдеде Ақтөбе мен Атырау қалаларында қолайсыз метеорологиялық жағдайлар күтіледі. Бұл туралы Qazaqyia.kz порталы Курсив басылымына сілтеме жасап хабарлайды.
Қазгидромет мәліметінше, күндіз Ақтөбеде, ал түнде Атырауда НМУ болжанады. Мамандардың түсіндіруінше, қолайсыз метеожағдайлар тымық ауа райы, әлсіз жел, тұман және температуралық инверсияның тіркесуінен пайда болады. Мұндай жағдайда ластаушы заттар атмосфераның жерге жақын қабатында жиналып, ауа сапасының нашарлауына әкеледі.
Синоптиктер НМУ кезеңінде ластанған ауаның денсаулыққа теріс әсер ету қаупі артатынын ескертеді, әсіресе созылмалы аурулары бар адамдар үшін. Ауаның ластану деңгейіне желдің жылдамдығы, ылғалдылық, температура және жауын-шашынның болуы да әсер етеді.
Тұрғындарға мүмкіндігінше көшеде болу уақытын қысқарту ұсынылады, әсіресе автомобиль жолдары мен басқа да ластану көздерінің жанында. Балаларға, жүкті әйелдерге, қарт адамдарға, сондай-ақ тыныс алу органдары, жүрек-қан тамырлары жүйесі аурулары бар адамдар мен аллергиямен ауыратындарға ұзақ серуендерді шектеу және қажетті дәрі-дәрмектерді өздерімен бірге алып жүру кеңес беріледі.
Мамандар ашық ауадағы физикалық жүктемелерді уақытша жабық үй-жайларға ауыстыруды ұсынады.
Бұған дейін «Курсив» Қазақстан мегаполистерінде алдағы үш күнде тұрақсыз ауа райы, күрт суыту, қатты нөсер мен найзағай болатынын жазған болатын.