Ақтауда ұзаққа созылған жаңбырдан кейін көшелерден шамамен 10 мың текше метр су сорылды, деп хабарлады қалалық әкімдік. Коммуналдық қызметтер ауа райының қолайсыздығынан туындаған салдарды күшейтілген режимде жоюды жалғастыруда. Бұл туралы Qazaqyia.kz порталы Kursiv Media басылымына сілтеме жасап хабарлайды.
7 қарашада басталған үздіксіз жаңбыр қаланың 11 учаскесінде көп мөлшерде судың жиналуына әкелді. Жекелеген жолдарда су көлік қозғалысын қиындатты.
Суды соруға шамамен 20 бірлік арнайы техника және 50-ге жуық жұмысшы тартылды.
«Жұмыстарға арнайы техника мен коммуналдық мемлекеттік мекемелердің жол жұмысшылары, Төтенше жағдайлар департаменті, сондай-ақ мердігерлік ұйым тартылды. Тұрғындарды уақытша қолайсыздықтарға түсіністікпен қарауға сұраймыз», — деді қала әкімі Максат Мұқаш.
Су 17-ші және 18А шағын аудандарының қиылысында, «Хазар» базарының жанында, 29-шы және 29А, 13-ші және 15-ші, сондай-ақ 11-ші және 14-ші шағын аудандар аралығында сорылды.
Күндізгі және түнгі ауысым қорытындысы бойынша шамамен 10 мың текше метр жаңбыр суы шығарылды. Әкімдікте сору жұмыстары түнде де үздіксіз жалғасатынын хабарлады.
Ахуал жауапты қызметтердің бақылауында. Суды сорумен қатар, жолдарды ретке келтіру жұмыстары жалғасуда.
Бұған дейін «Курсив» қаңтар айында Ақтау шағын аудандарын жаңбыр мен қар аралас жауыннан кейін де су басқанын жазған. Көшелер мен жаяу жүргінші аймақтарынан суды сору үшін коммуналдық қызметтер ассенизаторлық машиналар мен мотопомпаларды пайдаланған.