Ақтауда 18 жасар Азамат Дуйсехановты іздеу жұмыстары жалғасуда. Ол 7 шілде күні түстен кейін «O’Mir» курорттық қонақ үйінің маңында жоғалған. Бұл туралы Qazaqyia.kz порталы Kursiv Media басылымына сілтеме жасап хабарлайды.
Облыстық ТЖД мәліметінше, іздеуге 53 адам, алты бірлік техника, үш жүзу құралы, он сүңгуір және сегіз ұшқышсыз ұшу аппараты жұмылдырылған.
Негізгі топты ТЖД-ның 32 қызметкері құрайды, оның ішінде жедел-құтқару отрядының 11 құтқарушысы бар. Олар төрт бірлік техниканы, үш жүзу құралын және сегіз дронды акватория мен жағалау аймағын тексеру үшін пайдаланады.
Сонымен қатар, операцияға Қазақстан Әскери-теңіз күштерінің бес сүңгуірі мен бір бірлік техникасы, сондай-ақ ҰҚК Шекара қызметінің бес сүңгуірі мен бір бірлік техникасы тартылған.
Құтқарушылардың мәліметінше, іздеу жұмыстары жүргізіліп жатқан ауданда ауа температурасы +30 градусқа жетеді, су температурасы +22 градусты құрайды. Ауа райы жағдайлары операцияны жүргізуге қолайлы: бұлтты, шығыс желі секундына 4 метрге дейін.
18 жасар Азамат Дуйсеханов 7 шілде күні түстен кейін «O’Mir» курорттық қонақ үйінің маңында жоғалған. Туыстарының айтуынша, сол күні жігіт өзінің 18 жасқа толуын тойлаған. Оның қайда екені әлі белгісіз.