АҚШ-тың Миннесота штатынан келген бағбан Трэвис Гингер Калифорнияның Халф-Мун-Бей қаласында өткен жыл сайынғы алып асқабақ өлшеу сайысында жеңіске жетті. Оның алып асқабағы 2389 фунт (1083 келі) тартып, бас жүлдені иеленді. Бұл туралы Qazaqyia.kz порталы BBC News басылымына сілтеме жасап хабарлайды.
Гингер — алып асқабақ сайысының бес дүркін жеңімпазы. Ол BBC-ге әлемдік рекордты екінші рет жаңартуды «қатты қалайтынын» айтты.
Ол өзінің алып асқабағын Миннесотадан Калифорнияға дейін тасымалдап әкелген. Алайда бағбанның көздегені тек осы сайыстың жеңісі емес — ол әлемдік рекорд атағын да бағындырғысы келеді.
Әлемдік рекорд өткен аптада Англияның оңтүстік жағалауында тіркелді: онда өсірілген асқабақ 2857 фунт (1300 келі) тартқан.
Гингер бұған дейін де әлемдік рекордтың иегері болған. Қазір ол алдағы сын-қатерге баса назар аударып отыр.