АҚШ Қарулы Күштерінің Орталық қолбасшылығы (CENTCOM) Иранның құрлықтағы шекаралары мен Каспий теңізі арқылы қару-жарақ пен санкцияланған тауарларды тасымалдауын тоқтату үшін арнайы жедел тобын құрды. Бұл туралы Qazaqyia.kz порталы Sputnik Kazakhstan басылымына сілтеме жасап хабарлайды.
«АҚШ Қарулы Күштерінің Орталық қолбасшылығының қолбасшысы АҚШ билігінің Иранның заманауи қару-жарақ пен басқа материалдарды жер үсті бағыттары бойынша тасымалдауына жол бермеуге ықпал ететін жедел топ құруға бұйрық берді», — делінген X әлеуметтік желісіндегі ведомствоның хабарламасында.
Бөлімше Iron Gate («Темір қақпа») деп аталады және Флорида штатының Тампа қаласында орналасқан 20-ға жуық әскери және азаматтық мамандардан тұрады.
«Жаңа CENTCOM бөлімшесі АҚШ-тың басқа мемлекеттік ведомстволарымен заманауи қару-жарақ жүйелерінің, қос мақсаттағы технологиялардың, санкцияларға жататын материалдардың, сондай-ақ Иран мен Каспий теңізінің құрлық шекаралары арқылы заңсыз қаржы ағындарының қозғалысын болдырмауды үйлестіреді», — делінген хабарламада.