Ақмола облысының Атбасар ауданында полицейлер жақын туысының атына рұқсатсыз кредит рәсімдеген 25 жастағы ер адамды анықтады. Бұл туралы өңірлік полиция департаменті хабарлады. Бұл туралы Qazaqyia.kz порталы Sputnik Kazakhstan басылымына сілтеме жасап хабарлайды.
Полицияға әйелден арыз 2 қазанда түскен. Жәбірленушінің айтуынша, 2025 жылы оның атына 2 миллион теңге кредит рәсімделген. Алайда ол бұл туралы бір жылдан кейін ғана, банктен қарызды өтеу туралы ескерту қоңыраулары түсе бастағанда білген. Әйел ешқандай кредит рәсімдеуге өтініш бермегенін айтқан.
«Тексеру барысында полицейлер оқиғаға оның 25 жастағы жиенінің қатысы болуы мүмкін екенін анықтады. Белгілі болғандай, өткен жылы жас жігіт туысынан жеке пайдалануға арналған телефонды сұрап алған. Телефонда банктік қосымшаға қолжетімділік болған», — деп жазылған хабарламада.
Полицияның мәліметінше, күдікті бірнеше ай бойы кредит бойынша төлем жасап келген. Соның салдарынан әйел банктен ескерту қоңырауы түскен кезде ғана өз атына кредит рәсімделгенін білген.
Аталған факті бойынша алаяқтық бабымен қылмыстық іс қозғалды. Қазіргі уақытта оқиғаның барлық мән-жайы анықталып жатыр.