Алматының бірнеше ауданында «АлматыЖылуКоммунЭнерго» ЖШС қазандықтарында жоспарлы жұмыстарға байланысты ыстық су уақытша өшіріледі. Бұл туралы Qazaqyia.kz порталы Kursiv Media басылымына сілтеме жасап хабарлайды.
Қазандықтарды тоқтату кестесі «Алматы жылу желілері» сайтында жарияланған. Құжатқа сәйкес, ыстық сумен жабдықтау орта есеппен бес күнге тоқтатылады. Өшірулер Түрксіб, Жетісу және Медеу аудандарының тұрғындарына әсер етеді.
Түрксіб ауданы
Түрксіб ауданында 23 маусымға дейін ыстық су Ахметов — Огарев — Қалмаржын — Закарпатская көшелерінің шаршысында болмайды.
19 маусымға дейін ыстық сумен жабдықтау Лавренева — Дүнентаев — Жұлдыз шағын ауданы — Дүнентаев, сондай-ақ Элеваторская — Щелково — Сүйінбай — Щелково көшелерінің шекарасында өшіріледі.
15-19 маусым аралығында ыстық сусыз Орджоникидзе — Гете — Кожедуб — Читинская көшелерінің шаршысындағы үйлердің тұрғындары қалады.
22-26 маусым аралығында өшірулер Кассин — Бехтерев — Буденный — Жұмабаев, Таласская — Дулатов — Кассин — Монтин, сондай-ақ Сейфуллин — Терехин — Дулатов — Ақан Сері көшелерінің шекарасында жүргізіледі.
29 маусымнан 3 шілдеге дейін ыстық су Урицкий — Нұрсай — Бейсебаев — Бартольд көшелерінің шаршысында болмайды.
Медеу ауданы
Медеу ауданында ыстық сумен жабдықтау 22-26 маусым аралығында Шахтинская — Атбасарская — Демченко — Аяз би көшелерінің шекарасында өшіріледі.
Жетісу ауданы
Жетісу ауданында 22-26 маусым аралығында ыстық сусыз Шекспир — Жайсан — Эйхе — Терешкова көшелерінің шаршысындағы үйлердің тұрғындары қалады.
Бұған дейін «Курсив» 12-13 маусымда Алматының бір бөлігі жоспарлы жөндеу жұмыстарына байланысты уақытша жарықсыз қалатынын хабарлаған болатын.