Алматыдағы өрт сөндірушілер литий-ионды батареялар мен жаңа электросамокаттар сақталған қоймадағы өрттің таралуына жол бермеді. Бұл туралы Qazaqyia.kz порталы Kursiv Media басылымына сілтеме жасап хабарлайды.
Төтенше жағдайлар министрлігінің хабарлауынша, Алмалы ауданындағы Васнецов көшесіндегі қойма үй-жайында өрт шыққаны туралы хабарлама 112 пультіне түскен. Оқиға орнына келген өрт сөндірушілер литий-ионды батареялар блогының жанғанын анықтады.
Жағдайды қиындатқаны – от көрші қоймаға ауысуы мүмкін еді, онда жаңа аккумуляторлар мен 300-ге жуық электросамокат болған.
«Өрт сөндірушілер дереу өрт ошағын сөндіруге және батареяларды қарқынды салқындатуға кірісті, бұл оттың таралуын тоқтатуға мүмкіндік берді. Өртті 30 минуттан аз уақыт ішінде толығымен жою мүмкін болды. Оқиға салдарынан ешкім зардап шеккен жоқ», – деп хабарлады ведомствода.
ТЖМ деректері бойынша, 100-ден астам литий-ионды батарея мен 300-ге жуық жаңа электросамокат сақталып қалды. Сонымен қатар, өрт сөндірушілер аккумуляторлардың тұтануы кезінде туындауы мүмкін тізбекті реакцияның алдын алды.
Ведомство литий-ионды батареялардың өрт кезінде бірінен соң бірі тұтанып, улы жану өнімдерін бөлуі мүмкін екенін еске салды. Оларды сөндіру арнайы тәсілді және ұзақ уақыт салқындатуды қажет етеді, өйткені ашық отты жойғаннан кейін де қайта тұтану қаупі сақталады.
Осыған дейін Шымкентте автокөлік жөндеу бокстары кешенінде өрт болған. Ал Астанада қоқыс полигонында өрт сөндірілді.