Алматының Түрксіб ауданында екі қабатты кафе ғимараты өртенді. Өрт сөндірушілер өрттен алты оттегі баллонын шығарып, жалынның көршілес ғимаратқа таралуына жол бермеді. Бұл туралы Qazaqyia.kz порталы Kursiv Media басылымына сілтеме жасап хабарлайды.
Өрт таңертең ерте уақытта болған. Құтқарушылар келген кезде ғимараттың шатыры ашық жалынмен қамтылған болатын. Барлау кезінде өрт сөндірушілер жалынның қосалқы бөлмеге де таралғанын анықтады.
«Өртті сөндіру барысында құтқарушылар әртүрлі көлемдегі алты оттегі баллонын өрт аймағынан шығарып, олардың ықтимал жарылу қаупін болдырмады», — делінген хабарламада.
Өрт сөндірілді. Зардап шеккендер жоқ. Өрттің шығу себебі анықталуда.