«Алатау Жарық Компаниясы» электр энергиясын бөлшек сатудың шекті бағасы 2026 жылдың 12 қыркүйегінен бастап ҚҚС-сыз 1 кВтсағ үшін 39,30 теңгеге (ҚҚС-пен 45,59 теңге) дейін көтерілетінін хабарлады. Бұл туралы Qazaqyia.kz порталы Kursiv Media басылымына сілтеме жасап хабарлайды.
Бірыңғай сатып алушыдан (ЖЭК қолдау жөніндегі есеп айырысу-қаржы орталығы ЖШС) электр энергиясын сатып алу құны 23 пайызға – 1 кВтсағ үшін 13 теңгеден 16 теңгеге дейін өсті.
Жеке тұлғалар үшін көлемдерге бөлусіз базалық құн ҚҚС-сыз 32,69 теңгені (ҚҚС-пен 37,92 теңге) құрайды. Сонымен қатар, сараланған төлем жүйесі сақталады (қорытынды чек әрбір тіркелген адамға тұтыну көлеміне және электр плитасының болуына байланысты):
Тарифтік топтар
**2-топ:** тұрмыстық емес мақсатта электр энергиясын тұтынатын тұтынушылар – ҚҚС-сыз 1 кВтсағ үшін 43,13 теңге (ҚҚС-пен 50,03 теңге);
**3-топ:** мемлекеттік мекемелер, мемлекеттік кәсіпорындар, дауыс беретін акцияларының (жарғылық капиталға қатысу үлестерінің) 50 және одан да көп пайызы мемлекетке тиесілі заңды тұлғалар және олармен үлестес заңды тұлғалар; ұлттық инвестициялық холдинг; акцияларының (жарғылық капиталға қатысу үлестерінің) 50 және одан да көп пайызы тікелей немесе жанама түрде ұлттық инвестициялық холдингке, ұлттық компанияға тиесілі ұлттық компаниялар мен ұйымдар, Ұлттық банк құрылымына кіретін ұйымдарды және дауыс беретін акцияларының (жарғылық капиталға қатысу үлестерінің) елу және одан да көп пайызы Ұлттық банкке тиесілі немесе оның сенімгерлік басқаруындағы заңды тұлғаларды қоспағанда – ҚҚС-сыз 1 кВтсағ үшін 43,43 теңге (ҚҚС-пен 50,38 теңге);
**4-топ:** арнайы экономикалық индустриалды аймақтар аумағында орналасқан тұтынушылар, Президент Іс басқармасының және оның ведомстволарының ведомстволық бағыныстағы ұйымдары, әлеуметтік маңызы бар азық-түлік тауарларын өндірушілер – ҚҚС-сыз 1 кВтсағ үшін 39,30 теңге (ҚҚС-пен 45,59 теңге).
Тұрмыстық тұтынушыларға арналған тарифтер
Электр энергиясын тұрмыстық қажеттіліктерге пайдаланатын жеке тұлғалар мен тұтынушылар үшін тариф электр энергиясын тұтыну көлеміне байланысты сараланады.
«Тұрмыстық қажеттіліктерге электр энергиясын пайдаланатын тұтынушылардың тарифтік жоспарды таңдауы бұрынғыдай тиісті өтініш беру арқылы дербес жүзеге асырылады», – деп еске салды АҚ-да.
Алматы облысы Жамбыл ауданы Үлкен ауылының тұтынушылары үшін электр энергиясын өткізу қызметінің тарифі барлық топтар үшін ҚҚС-сыз 1 кВтсағ үшін 19,89 теңгені (ҚҚС-пен 23,07 теңге) құрайды.